ОКЕАНСКАЯ КОРА — Океан пўсти

ОКЕАНСКАЯ КОРА — Океан пўсти

1. океан тубини ташкил этувчи пўстнинг бир тури (А.Вегенер, 1915). «Сима» отамасининг синоними. О.п.-нинг вертикал кесими сейсмик маълумотларни изоҳлаш ва чуқур бурғилаш далилларини таҳлил қилиш орқали тузилган. О.п.нинг умумлаштирилган кесими қуйидагича: (О. 1-расм) 1-қат — пелагик чўкиндилар: чуқур сув остидаги қизил гиллар ва иллар, кремнийли, баъзан карбонатли ётқизиқлар билан қаватланади; сейсмик тўлқинлар тезлиги 1,7-2,4 км/соат, зичлиги 2,0 г/см³, қатнинг ўртача қалинлиги 0,5 км; 2-қат — икки кичик қатчаларга бўлинади: 2а — тошбодом текстурали, «ёстиқча» кўринишидаги толеитли, паст калийли, базальтли лавалар, сейсмик тўлқинлар тезлиги 4,7—5,6 км/с, зичлиги 2,63 г/см³, қалинлиги 1—1,5 км; 2б — «дайка дайка устида» туридаги параллель дайка диабазлари мажмуаси, сейсмик тўлқинлар тезлиги 5,6—5,8 км/соат, зичлиги 2,6 г/см³, қалинлиги 1—1,5 км; 3-қат — кумулятив қат, икки қатчага бўлинади: 3а — тўла кристаллланган габброидлар (габбро, норитлар, троктолитлар, тералитлар), сейсмик тўлқинлар тезлиги 7,1-7,2 км/соат, зичлиги 2,9—3,0 г/см³, қалинлиги 2-3 км; 3б — перидотит, пироксенит, оливинит, верлит, амфиболит ва серпентинитлар кўринишидаги ультрамафитларни циклик қатланиши, сейсмик тўлқинлар тезлиги 6,5—7,2 км/соат, зичлиги 3,1 г/см³, қалинлиги 2—3 км, тубида Мохо чегараси ётади, бу жойда сейсмик тўлқинлар тезлиги 8,1-8,2 км/соат гача ошади; 4-қат — реститли