Нефт ва газ саноати изоҳли луғати
русча
-
Қатламларни бир йўла-айрим ишлатиш — Умумий қудуқда сизилиш характери турлича бўлган қатламларни айрим ишлатиш. Қудуқ тубидаги босим ҳар хил бўлганда махсус ускуналар ёрдамида бажарилади. Қ.б.й.-а.и. ишлаш объектини қамраб олишни ошириш ва қатламларни ишлаш тезлигини баробарлаштириш учун қўлланилади. Қ.б.й.-а.и.ни кўп қатламли кон кесимида жинсларнинг коллекторлик (ўтказувчанлиги, ғоваклиги) ва флюидларнинг физик хусусиятлари (қовушқоқлиги таркиби), ётиш шароитлари (қатлам босими, газ қалпоғи) бирбиридан кескин фарқ қилганда қўлланади. Қ.б.й.-а.и.ни қўллаш учун қатламлар мустаҳкам жинслардан ташкил топган ва улар орасидаги масофа (максимал босимлар фарқида суюқликларнинг оқиб ўтишини ишончли бартараф этувчи) цементли ҳалқани ҳосил қилиш ва пакерни ўтказиш учун етарли даражада бўлиши лозим. Цементли ҳалқанинг ҳар 1 м баландлигига босим фарқи 2 МПа дан катта, пакерни ишончли ўтказиш учун баландлик 3 м дан кам бўлмаслиги керак. Қ.б.й.-а.и.да фойдаланиладиган асбоб-ускуналар қатламларни ишончли ажратиши, ҳар бир қатламда қудуқ туби босимини юзага келтириши, қатлам дебитини ўлчаш имконини бериши ҳамда қатлам очилганда қудуқда бажариладиган ҳамма технологик ишларни амалга ошириши керак.
Мақоладаги хато ҳақида хабар бериш
