ОДАРЁННОСТЬ
русчаОДАРЁННОСТЬ
- истеъдод; инсон қобилиятлари тараққиётининг энг юксак даражасини таъминловчи туғма табиий имкониятлар (куртаклар) йиғиндиси. И. га инсон мияси ярим шарлар қобиғининг тузилиш хусусиятлари, нерв системасининг хоссалари (муваққат нерв боғланишларининг ҳосил бўлиш ва мустаҳкамланиш тезлиги, дифференцировкалар ҳосил бўлиш тезлиги, нерв процессларининг чаққонлиги кабилар), муайян анализаторларнинг тузилиши ва ишлаш хусусиятлари каби табиий куртаклар киради. Бу куртаклар ҳаммада ҳар хил бўлади ва психик сифатларнинг шаклланиши учун қулай имкониятлар яратади. И. нинг ривожланиши шахснинг яшаш шароитларига айниқса таълим-тарбияга боғлиқдир.