Ахборот-коммуникация технологиялари изоҳли луғати
-
ингл: object-oriented programming (OOP) рус: объектно-ориентированное программирование Дастурлашнинг ҳозирги кунда энг оммавий услубияти. У объектлар, яъни стандарт блоклардан, ташкил топган амалий дастурларни яратишга йўналтирилган. Структурали дастурлашнинг ривожланишидир. OOP нинг марказий ғояси инкапсуляциядир, яъни, дастурни алоҳида шаклдаги, маълумотларни ва уларни ишлов берувчи тартиботлари билан бирлаштирган ҳолда модулларга (классларга) тузилмалаштир. Ҳар бир шундай класс, амалга ошириш (ёки ифодалаш) деб аталувчи ички қисмга ва интерфейс деб аталувчи ташқи қисмга эга. Амалга оширишдан фақат интерфейс орқали фойдаланиш мумкин. Одатда, интерфейсда хоссаларни (синтаксисда ўзгарувчидек кўринади) ва усулларни (синтаксисда тартибот ёки функциядек кўринади) ажратадилар. Класс усул-конструкторларга ва дастурни бажарилиш вақтида классларнинг нусхаларини яратиш ва йўқ қилишга имкон берадиган деструкторларга эга бўлиши мумкин. Бир класснинг нусхалари, ўзаро ўхшаш (масалан, класснинг усулини мерос олган), аммо фарқланади ҳам (масалан, хоссалари турли қийматга эга). Классларни ва класс нусхаларини объектлар деб аталади, “объектга йўналтирилган дастурлаш” номи ҳам шундан келиб чиққан.
Мақоладаги хато ҳақида хабар бериш
