Нефт ва газ саноати изоҳли луғати
-
умумий гидрогеологиянинг амалий йўналиши. Нефть-газ конлари ва структуралари чегарасида ер ости сувларининг пайдо бўлиш, тарқалиш ва ҳаракатланиш қонуниятларини, уюмлардаги нефть ва газларнинг ер ости сувларининг кимёвий таркибига кўрсатадиган таъсирини ўрганиш, шунингдек, конлар ишлашида гидрогеологик шароитларининг тадқиқоти билан шуғулланади. Углеводородларнинг пайдо бўлиш жараёнлари, уюмларнинг шаклланиши ва бузилиши, нефть миграцияси, ер ости сувларининг газ таркиби, босими ва температурасининг вақт давомида ўзгариши ер ости сувлари билан узвий боғлиқ. Шунга кўра Н.к.г. маълумотлари нефть-газ конларини разведка қилиш, бурғиланадиган қудуқлар лойиҳасини асослаш ва қуриш, углеводород хомашёсининг саноат аҳамиятидаги захираларини ҳисоблаш, нефть-газ конларини ишлаш лойиҳасини тузиш ва амалга ошириш ва ер ости газ омборларини қуришда зарурдир. Бундай маълумотлар қудуқларда сувларнинг динамик ва статик сатҳларини, қатлам босимлари ва температурасини, суюқликларнинг оқиб чиқиш сарфи, сувли ва маҳсулдор қатламларнинг мутлақ баландлигини ўлчашни, қатлам суюқликлари намуналарини кимёвий таҳлилини, шунингдек, гидрогеологик ҳисоблар ва зарур бўлган геологик ахборотни ўз ичига олади.
Мақоладаги хато ҳақида хабар бериш
