Нефт ва газ саноати изоҳли луғати
-
нефть ва унинг маҳсулотларини қабул қилиш, сақлаш ва тарқатиш вазифасини бажарадиган иншоот. Ҳозирги Н.б.лари мураккаб техник-муҳандислик мажмуини ташкил қилади. Буларга бинолар, қурилмалар, қувур узатгичлар, сиғимлар, насос станциялари, нефть ва унинг маҳсулотларини қабул қилиш, сақлаш ва тарқатишда ишлатиладиган махсус ускуналар мансуб. Н.б.ларнинг қуйидаги турлари маълум: а) бажарадиган вазифасига кўра — оралиқ (транспорт воситасининг бир турдан иккинчи турга ўтказувчи), тарқатиш, оралиқ-тарқатиш ва сақлаш; б) транспорт воситалари бўйича — темир йўл, сув, темир йўл-сув, қувур узатгич (магистрал қувур узатгич ёки унинг тармоқлари) ва чуқурликдаги нефть маҳсулотларини автотранспортлардан қабул қилувчи; в) сақланадиган нефть маҳсулотларининг турига кўра умумий сақлаш базалари — очиқ рангли нефть маҳсулотлари, ёғлар, тўқ рангли нефть маҳсулотлари ва б.
Мақоладаги хато ҳақида хабар бериш
