Нефт ва газ саноати изоҳли луғати
-
иссиқ ёки совуқ сув, қовушқоқ ёки агрессив суюқлик (кислота ва ишқорлар), оқова сув, сув билан тупроқ, кукун ва шлак, торф, майдаланган кўмир ва б.ларни узатадиган қурилма. М.қ.н.нинг ишлаш принципи унинг парраклари орасидаги суюқлик заррачаларига, айланадиган ишчи ғилдирагининг кинетик энергия беришига асосланган. Ҳосил бўлган марказдан қочма куч (Р) таъсирида суюқлик ва бошқа маҳсулотлар заррачалари ишчи ғилдиракдан насос корпусига қараб силжиб ҳаракатини давом эттиради, унинг ўрнини эса, ҳаво босими таъсирида бошқа заррачалар эгаллайди. Бунинг натижасида насос узлуксиз ишлай бошлайди. Насоснинг ишчи ғилдираклари суюқлик келишига фақат бир томонлама эмас, балки икки томонлама ҳам уланган бўлади. Марказдан қочма ва б. баъзи насосларнинг ғилдираклари энг муҳим хусусиятларидан бири, сарф — Q=45 л/с бўлганда босимни 1м га кўтаришга мос бўлиб, ғилдиракнинг бир минутда айланиш сони $n_s$ — тез юриш коэффициенти ҳисобланади. М.қ.н. ишчи ғилдиракларининг тез юришига қараб таснифи Н.1-жадвалда келтирилган.
Мақоладаги хато ҳақида хабар бериш
