Психология терминларининг изоҳли луғати
-
суҳбат методи; психологиянинг илмий текшириш методларидан бири бўлиб, текширувчи ва текширилувчи ўртасидаги савол-жавоб тариқасида рўй беради. С. м. текширувчи текширилувчига ўрганиладиган проблеманинг табиатига мувофиқ олдиндан тайёрлаб қўйилган саволлар бериб, уларга жавоблар олади. Мас., С. м. ёрдамида шахснинг қизиқишлари, дунёқараши, эътиқоди, нутқий хусусиятлари ва бошқа сифатлари ўрганилиши мумкин. Суҳбат процесси самимий, эркин равишда ўтиши, саволлар атрофлича ўйлаб тузилган бўлиши, кейинги саволлар олдингиларини тақозо қилиши керак. Суҳбат процесси протоколлаштириб борилиб, таҳлил қилиниб, тегишли илмий-назарий ёки илмий-амалий хулосалар чиқарилади (қ. Беседа).
Мақоладаги хато ҳақида хабар бериш
