METANEODNORODNOST — Metaharxillilik

МЕТАНЕОДНОРОДНОСТЬ — Метаҳархиллилик

1. — умумий хоссалари бўйича (тўйиниш характери, литологияси ва ш.к.) бир-биридан фарқланадиган уюмнинг йирик қисмлари. Уюм чегарасида тўйинганлик даражасига кўра ҳамда маҳсулдор қатламларнинг қалинлиги катта бўлганда геологик ёки техник мулоҳазаларга кўра ажратиладиган зонал оралиқлар уюм элементларини ташкил қилади. Бир неча уюмлар ягона ишлатиш объектига бирлаштирилганда М. элементлари сони ортади. Бунда ишлатиш объекти элементлари сифатида объектга бирлаштирилган уюмларнинг ҳамма қисмлари қаралади ва улар бир бутун системани ташкил қилади. М.ни ифодалашда асосан харита ва кесмалардан фойдаланилади. Уларда метасатҳ элементлари чегараси кўрсатилади. М.нинг ва мезоҳархилликнинг миқдорий кўрсаткичларини аниқлаш усуллари ишлаб чиқилмаган. М.ни ўрганиш қуйидаги масалаларни ечишга имконият беради: — бир қанча қатламлар (горизонт, уюмлар)ни ягона ишлатиш объектига бирлаштиришнинг мақсадга мувофиқлигини аниқлаш; — алоҳида уюмлар ва ишлатиш объектида чиқариб олувчи ва ҳайдаш қудуқларини жойлаштириш системасини тўғри танлаш; — ишлатиш объектининг ишлаш самарадорлигини ошириш тадбирларини асослаш; — алоҳида уюм ва ишлатиш объектининг салмогини баҳолаш; — кўп қатламли кондаги уюмларни бир вақтда ва айрим-айрим ишлатишнинг мақсадга мувофиқлигини геологик жиҳатдан асослаш; — айрим элементларни алоҳида уюмлар ҳолида, шунингдек, кўп қатламли ишлатиш объектлари ҳолида фойдаланишда самарали назоратни ўрнатиш. Ҳозирги вақтда нефтга тўйинган жинслар ва қатламларнинг геологик ҳар хиллилиги ультрамикросатҳ, микросатҳ, макросатҳ даражасида ўрганилмоқда.