МАССИВНЫЙ ПРИРОДНЫЙ РЕЗЕРВУАР

МАССИВНЫЙ ПРИРОДНЫЙ РЕЗЕРВУАР

1. Массив табиий сақлагич (омбор) — ўтказувчан тоғ жинсларининг қалин қатлами. Усти ва ёнларидан суюқлик ўтказмайдиган жинслар билан чегараланган. М.т.с.ни ташкил этган коллекторлар литологик бир жинсли ёки турли жинсли бўлади. Бир жинслилиги карбонат, метаморфик ёки отқинди жинслардан иборат. Бундай коллекторларнинг ўтказувчанлиги ва ғоваклилигини жинслардаги ғовак ва ёриқлар ташкил этади. Массив сақлагичлардаги ғоваклилик ва ўтказувчанлик зоналари қатъий стратиграфик вақтга мос келмайди. Кўпинча стратиграфик юзани кесиб ўтадиган алоҳида ажралган, яхши ғовакли ва ўтказувчан зоналарни кузатиш мумкин. Массив сақлагичларда суюқлик ва газларнинг ёнлама ҳаракатланиши ўтказувчан зоналар билан чекланган ва уларнинг ҳаракати катта масофага етиб бормайди. Баъзан массив ва қатламли сақлагичларнинг ўзаро боғлиқлиги кузатилади.