МАНТИЯ ЗЕМЛИ — Ер мантияси

МАНТИЯ ЗЕМЛИ — Ер мантияси

1. Ер ядроси ташқи чегараси билан Мохо юзаси оралиғида жойлашган Ер геосфераси. Ернинг тадрижий ривожланиш ғоясига кўра (А.Е.Рингвуд, 1981), юқори мантия пиролитдан — таркибида 45% SiO₂ бўлган 3/4 перидотит (пироксен) ва 1/4 толеитли базальт (оливин) аралашмасидан иборат. Дмитриев (1984) фикрича, мантия жинслари асосан лерцолитлардан тузилган. Е.М. таркибидан қатъий назар, ер сайёрасини ҳосил қилувчи, таркиби кўмир хондритларидан иборат бирламчи моддаларнинг тақсимланиш маҳсули деб қаралади. Бирламчи моддаларнинг тақсимланиши ҳозир ҳам давом этмоқда, бу жараён Ернинг ички ядросининг катталашишида ва кўпчилигида ҳамда мантияда оғир элементларнинг (Fe гуруҳи) камайишида кўринади. Е.м.даги моддалар тақсимланишининг давом этиши конвекция (моддаларнинг кўчиши) жараёнини келтириб чиқаради, эриган моддалар босимли оқимлар ҳосил қилиб юқорига кўтарилади, улар литосферани бўлинишга ва литосфера плиталарининг ҳаракатланишига олиб келади.