Манасчи

Манасчи

1. манасчи. Бир неча минглаб мисралардан иборат қирғиз халқ қаҳрамонлик эпосини ёддан билувчи ва уни мустақил вариант сифатида куйлаб берувчи халқ бахшиси. «Манас» ўз ҳажми жиҳатидан дунё халқлари эпоси ичида энг каттаси ҳисобланади. Шунинг учун ҳам уни тўлиқ куйлаш манасчи маҳорати ва бадиҳагўйлигига боғлиқ ҳолда бир неча кун ёки ҳафтага чўзилиб кетади. Чунки манаснинг ҳар бир ижроси ўзига хос ижодий жараён ҳисобланади. Совет даврининг улкан манасчиси Қирғизистон ССР халқ артисти Саяқбой Қоралиевдан 40-йилларнинг охирида «Манас» наслий туркумлиги тўлиқ ёзиб олинган. Бу наслий туркумлик Манас, унинг фарзанди — Семетей ҳамда набираси — Сейтек ҳақидаги достонлардан иборат.