Axborot-kommunikatsiya texnologiyalari izohli lugʻati
ruscha
-
ингл: magneto-optical disk (MOD) рус: магнито-оптический диск Маълумотларни ўта зич сақлаш учун магнит-оптик технологиялар асосида яратилган диск. У 1988 йилда юзага келган. Унинг актив ташувчиси тербий қўшилган темиркобальт қотишмасидир. Ёзиш услуби қутбланишга асосланган. Ёзиш жараёнида лазер нури 1 мкмдан кам бўлган жойни қиздиради, бунинг натижасида ушбу нуқтадаги магнитланганлик вектори ташқи магнит майдонига параллел йўналади. Акс этган лазер нури кучсиз бўлиб, магнитланганликни ўзгартириш учун етарли бўлмайди. Ёзилган маълумотларни ўқириш учун ташувчига бир пайтнинг ўзида лазер нури ва ташқи магнит майдони таъсиридан фойдаланилади. Шу тарзда маълумотни ўчириш ва қайта ёзиш 10 млн. марта амалга оширилиши мумкин. Диск жуда катта хотирага эга бўлиб, маълумотларни архив усулида сақлаш учун қўлланилади.
Maqoladagi xato haqida xabar berish
