MAGISTRALNЫY GAZOPROVOD — Magistral gaz uzatgich quvuri

МАГИСТРАЛЬНЫЙ ГАЗОПРОВОД — Магистраль газ узатгич қувури

1. ёнувчи газни чиқариб олинадиган жойидан юз ва минг км олисда жойлашган истеъмолчиларга узатадиган қувур. Ётқизиш усулига қараб, М.г.у.қ.нинг ер ости, ер усти ва кўтармага ётқизиладиган хиллари ажратилади. Айрим ҳолларда улар темир-бетон ёки металл эстакадалар (катта жарликлардан ўтказишда) ёки сув ҳавзаларининг туби (дюкерлар) бўйлаб ётқизилади. М.г.у.қ.нинг оптимал параметрлари қуйидагилардан иборат: ишчи босими 5,5 МПа; компрессор станциясини таъминлайдиган босимнинг ошиш даражаси 1,4—1,5; қўшни компрессор станцияларигача бўлган масофа 100—200 км. М.г.у.қ.нинг охирги пунктида газ тақсимлаш станциялари жойлашади. Газ босими истеъмолчиларни таъминлаш учун керак бўладиган даражагача пасайтирилади. М.г.у.қ. тарқоқ технологик иншоотларининг иш режимини бошқариш телемеханик аппаратлар билан назорат қилинади; бу газнинг босими ва сарфини телеўлчаш, кранлар, катод ҳимоя станциялари ва бошқа объектларнинг ҳолати ҳақида телесигналлар беришни, назорат қилинаётган пунктлардан фалокат сигналини қабул қилишни таъминлайди. Биринчи бўлиб Ўзбекистонда Бухоро — Урал М.г.у.қ. қурилиши 1961 йилнинг май ойидан бошланган (1959—1960 йилларда тайёрланган