Литота

русча

1 та луғатда учрайди ЖСОН Шеваларда

(гр. litotes — оддийлик сўзидан) — литота, кичрайтириш, тафрит. Бадиий адабиётда бирор нарса, воқеа ва белгини кичрайтириб, заифлаштириб тасвирлаш усули. Қадимги адабиётшуносликда литота тафрит, яъни мўътадилликдан пастки ҳолат деб юритилган. Ижодкор уйғун нарса ёки ҳодисанинг аҳамиятини таъкидлаб, бўрттириб кўрсатиш мақсадида бошқа нарса ёки ҳодисани унинг улуғворлиги ҳамда қудратига нисбатан кичрайтириб тасвирлайди. Масалан: Бу сўзнинг мазмуни шу қадар иссиқ, Қуёш бир кичик шам унинг ёнида. (Уйғун.) Қўлланилган литотада тинчликнинг инсониятга нақадар зарурлиги, ҳатто бу сўз ортида ётган мазмуннинг қуёшдан ҳам иссиқ, ёқимли эканлигини таъкидлаш мақсадида шоир гигант фазовий жисм — қуёшни бир кичик шамга тенглаштириб тасвирлайди.