Linux Foundation

Linux жамғармаси. Linuxни ривожлантириш бўйича нотижорат консорциум. Расмий равишда 2007 йил 21 январда Open Source Development Labs ва Free Standards Groupнинг қўшилишидан ташкил топган. Linux жамғармаси Linuxни олға суради, ҳимоялайди ва стандартлаштиради, очиқ дастурий таъминот уюшмасига ресурслар ва хизматлар таклиф қилади. Linux жамғармаси Linuxни ишлаб чиқмайди ва мавжуд Linux компаниялари билан рақобатлашмайди. У Linuxни ривожлантиришга ҳамда қуйидаги соҳаларга кўпроқ эътибор беради: - Linuxнинг асосий дастурчиларини қўллаб, Linuxни ҳимоя қилиш ва юридик хизматлар кўрсатиш. Linux жамғармаси “Linux” савдо маркасига эгалик қилади ва интеллектуал мулкни юридик ҳимоя қилади. - Linuxни стандартлаш ва ДТ дастурчилар учун платформа сифатида яхшилаш. Бу йўналишда Linux Standard Base (ЛСБ) ва Linux Developer Network лойиҳалари устида иш олиб боради. - Ўзаро ҳамкорлик ва ривожлантириш учун нейтрал муҳит билан таъминлаш. Linux Foundation Linuxнинг нейтрал вакили сифатида хизмат қилади ва рақобатчилар агрессиясига жавоб беришга масъул. Шунингдек, Linux жамғармаси техник уюшма, қўлланмалар дастурчилари, саноат буюртмачилари ва фойдаланувчиларга долзарб масалаларни муҳокама қилиш учун шароит яратиб беради.