Neft va gaz sanoati izohli lugʻati
ruscha
-
Мустаҳкамлаш қувурлари билан бўладиган фалокатларни бартараф этиш — МҚБни қудуққа туширишда, қисилиб қолганда ва бошқа ҳолатларда зудлик билан суюқлик айланиши тикланиб қувурлар бирикмаси ҳаракатга келтирилади. Қувурлар бирикмасини узилиб кетишидан асраш мақсадида уни қўзғотадиган куч ҳисоблаб чиқилади. Айрим ҳолларда геологик шароитлардан келиб чиқиб, МҚБ мажбуран тўхтаган жойида қолдирилади ва зарур бўлганда цементланади. МҚБ диаметри катта бўлса, унинг мустаҳкам бўлмаган оралиқлари кейин тушириладиган қувурлар билан маҳкамланади. Лойиҳада қайд этилган қувурларни қудуқнинг тубигача тушириш зарур бўлса, уларнинг қисилиб қолган жойидан кесиб олиб юқори қисми кўтарилади. Қолган қисмини бўлакларга бўлиб, алоҳида-алоҳида кўтариб олинади. МҚБда учрайдиган энг кўп фалокатлардан асосийларига қувур пастки қисмининг тескари томонга буралиб, бўшаб кетиши киради. Бундай фалокатлар қувурлар қудуқнинг деворига ва тубига тегиб турмаганда содир бўлади. Қувурнинг бўшаб кетган қисми пастга тушиб кетади, унинг юқори қисми эса қудуқнинг марказидан четлашиб, фалокатни бартараф қилишга қийинчилик туғдиради. Бундай фалокатлар турли усуллар билан бартараф этилади. Ажралиб кетган бирикманинг юқори қисми қисилиб қолмаган ва унинг резьбалари ажралган жойида бузилмаган бўлса, улар бирлаштирилади. Бунинг учун бурғилаш қувурларида йўналтирувчи конус туширилиб иккала секциянинг ўқлари бирлаштирилади. Сўнгра бурғилаш қувурларини конус билан бирга қудуқдан чиқармасдан туриб бирикманинг юқори қисми пастки қисмига бураб киритилади. Агарда бурғилаш қувурлари бўшаб кетган қисмининг юқориси бузилган бўлса, иккала секция кетма-кет кўтариб олиниб, ишдан чиққан элементлари алмаштирилиб, қайтадан қувурлар бирикмаси қудуққа туширилади. Мустаҳкамлаш қувурларида ёриқлар пайдо бўлганда улар бутунлай алмаштирилади ва қудуқ кичикроқ диаметрли бирикма билан мустаҳкамланади. Ишдан чиққан қувур ташқарига чиқарилади ва янги қувур туширилиб, бирикманинг қолган қисми билан бириктирилади. Цементланган қувурларнинг резьбали бирлашган жойлари бузилиб қувурлар бирикмаси ўтишини қийинлаштирса, уларнинг бундай жойлари марказлаштирилиб қайтадан цементланади.
Maqoladagi xato haqida xabar berish
