ЛАБОРАТОРНЫЙ ЭКСПЕРИМЕНТ

ЛАБОРАТОРНЫЙ ЭКСПЕРИМЕНТ

1. (лат. laborare — ишламоқ, experimentum — синаб кўриш, тажриба) — лаборатория эксперименти; психологиянинг психик ҳодисаларни, уларнинг қонуниятларини, муайян фаолият турининг руҳий ҳодисаларнинг содир бўлиши ва ривожланишига нисбатан кўрсатадиган таъсирини махсус асбоб-ускуналар, илмий аппаратлар билан жиҳозланган лаборатория шароитида ўрганишга қаратилган илмий-текшириш методи. Л. э. методининг бошқа методлардан афзаллиги шундаки, бунда экспериментчига тегишли шароитларнинг психик процессларга таъсирини кузатиб бориш ва бу таъсирнинг натижаларини аниқ ҳисобга олиш имконияти бўлади. Л. э. методининг камчилиги шундан иборатки, текширилувчи одатланмаган лаборатория шароити ёки экспериментчининг салобати текширилаётган психик процессларнинг объектив равишда содир бўлишига салбий таъсир кўрсатиши мумкин. Л. э. нинг бу камчилиги эксперимент вариантларини бир неча вариантда такрор-такрор эксперимент ўтказиш орқали бартараф қилиниши мумкин.