КРИВАЯ ОБРАЗОВАНИЯ НАВЫКОВ
русчаКРИВАЯ ОБРАЗОВАНИЯ НАВЫКОВ
- — малакалар ҳосил бўлишининг эгри чизиқлари; малакалар ҳосил бўлиш процессини график усулда тасвирлайдиган эгри чизиқлар. М. ҳ. б. э. ч. қуйидагича ҳосил қилинади: ётиқ чизиқ ёки абцисса тенг бўлакларга бўлиниб, бу бўлакларда муайян малакани ҳосил қилишдаги такрорлашнинг миқдори кўрсатилади. Худди шунингдек, тик чизиқ ёки ординатни ҳам тенг бўлакларга бўлиб, уларда малакалар ҳосил қилишнинг сифат ёки миқдор кўрсаткичи белгиланади. Мана шу ётиқ ва тик чизиқлар бўлинмалари бўйлаб ўтказиладиган эгри чизиқ малаканинг сифат ёки миқдори ортганда кўтарилади, камайганда пасаяди. Эгри чизиқнинг юқорилаб бориши ёки пасайиши малака ҳосил қилишдаги миқдор ва сифат ютуқларни кўрсатади.