KLASSIFIKATSIYA BUROVЫX DOLOT — Burgʻilash dolotalari tasnifi

КЛАССИФИКАЦИЯ БУРОВЫХ ДОЛОТ — Бурғилаш долоталари таснифи

1. долоталар икки асосий белгига: вазифаси; жинсга таъсир этиши ва конструкциясининг хусусиятларига кўра тайёрланади. Вазифасига қараб уч синфга бўлинади: ёппасига, колонкали ва махсус мақсадда бурғилаш. Суюқлик билан ювиш ёки ҳаво билан пуфлайдиган мосламали долоталар ёрдамида ёппасига бурғилаш учун шарошкали, парракли, олмосли ва фрезерли хилларидан фойдаланилади. Ҳалқа тубли бурғилаш усулида керн олувчи колонкали долоталар бурғи бошчаси, кернузгич, кернушлагич, колонкали қувур (грунтонос), клапан ва қобиқдан иборат. Махсус долоталар (найзасимон, кесадиган, кенгайтиргичлар ва б.) парракли, шарошкали ва олмосли қилиб тайёрланади. Тоғ жинсига таъсир этишига қараб долоталар тўрт синфга бўлинади: майдалайдиган, майдалайдиган-парчалайдиган, ишқалаб майдалайдиган-кесадиган, кесадиган-парчалайдиган. Майдалайдиган ва майдалайдиган-парчалайдиган долоталарга шарошкали бурғилаш долоталари ва бурғилаш бошчалари мансуб. Ишқалаб майдалайдиган-кесувчи-ларга олмосли ИСМ (ўта қаттиқ материаллар институти) долоталари, ўта қаттиқ «славутич» мустаҳкамланган штирли, фрезерли ва бурғилаш бошчалари тааллуқли. Кесадиган-парчалайдиган синфга парракли долоталар, икки, уч ва кўп парракли бурғи бошчалари, турли материалдан тайёрланган кесувчи долоталар киритилган.