КАРТА ПОВЕРХНОСТИ ГРУНТОВЫХ ВОД — Грунт сувлари юзаси харитаси

КАРТА ПОВЕРХНОСТИ ГРУНТОВЫХ ВОД — Грунт сувлари юзаси харитаси

1. бир хил мутлақ баландликдаги грунт сувлари сатҳини бирлаштирувчи изогипс чизиқларини харитада ифодалаш. Сув билан таъминлаш, мелиорация, турли иншоотларни қуриш ва бошқа мақсадларда грунт сувлари сатҳ чуқурлигини аниқлаш ва харитада тасвирлаш муҳим аҳамият касб этади. Грунт сувлари сатҳи бурғ қудуқлардан, шурфлардан, қудуқлардан, булоқлардан махсус асбоблар ёрдамида ўлчаш орқали аниқланади. Ўлчовлар ҳамма жойларда бир вақт (кун, ой, мавсум)да олиб борилади. Сўнгра ер ости сувлари сатҳини мутлақ ёки нисбий баландлиги қуйидаги формула ёрдамида ҳисоблаб топилади: $\text{H}_\text{c} = \text{H}_\text{ю} - \text{h}$, бунда $\text{H}_\text{c}$ — ушбу жойдаги сув сатҳининг мутлақ баландлиги; $\text{H}_\text{ю}$ — ушбу жойдаги ер юзасининг мутлақ баландлиги; $\text{h}$ — ушбу жойдаги сувнинг ётиш чуқурлиги. Грунт сувлари баландлиги топографик харитага туширилади ва унда сув юзаси бўйича гидроизогипс чизиқлари деб аталувчи чизиқлар чизилади. Гидроизогипс чизиқлари харита масштабига ва жойнинг текиснотекислигига мувофиқ 0,5; 1,0; 2,0 ва 5,0 м ва бошқа оралиқларда ўтказилади. Гидроизогипс харитаси ёрдамида қуйидагилар аниқланади: