КАРТА ПОРИСТОСТИ ПЛАСТА

КАРТА ПОРИСТОСТИ ПЛАСТА

1. Қатламнинг ғоваклилик харитаси — бир хил ғоваклиликка эга бўлган нуқталарни туташтирадиган изочизиқли қатлам харитаси. Ҳар қайси бурғу қудуғидан олинган намуналарни таҳлил қилиш асосида маълум нуқтада ўртача ғоваклилик аниқланади. Олинган натижалар харитада ҳар қайси қудуқ олдига туширилади. Сўнгра қудуқлар оралиғи интерполяция қилиниб алоҳида нуқталарда ғоваклилик фоизда (10, 15, 25, 30% ҳ.к.) аниқланади. Бир хил ғовакли нуқталар туташтирилиб қатлам коллекторларининг ғоваклилик харитаси тузилади. Жинслар ғоваклилиги зарраларнинг ўзаро цементланганлик даражасига боғлиқ. Цементланиш кучли бўлса ғоваклилик камаяди. Шунга кўра ғоваклилик харитаси коллекторларнинг цементланиш даражасини ифодалайди. Баъзи бир майдонларда жинслар қаттиқлиги уни цементлайдиган моддалар (кварцли, оҳактошли ва бошқа цементлар) таркиби билан аниқланади, шунга кўра тузилган хариталар тоғ жинсларининг бурғиланиш қаттиқлиги тўғрисида маълумот беради.