КАРОТАЖ МАГНИТНЫЙ (МК) — Магнит каротаж (МК)

КАРОТАЖ МАГНИТНЫЙ (МК) — Магнит каротаж (МК)

1. — бурғ қудуқ кесимидаги жинсларнинг магнит хусусиятларини ўрганиш усули. МКни бажаришда КМК, ТСМК—40, ЭМК—1, КМВ, АМК—3 махсус ўлчаш асбоблари қўлланилади. ЭМК—1 асбоби ёрдамида магнит каротажи б-н биргаликда индуктивлик электр каротаж усулини ҳам ўтказиш мумкин. ТСМК—40 ёрдамида магнит майдонининг учта ташкил этувчилари $\text{M}_x$, $\text{M}_y$ ва $\text{M}_z$ биргаликда қайд қилинади. Бу аппарат комплекти икки хил зонд билан таъминланган. Биринчи зонд билан майдоннинг $\text{M}_z$, $\text{M}_x$ ва $\text{M}_y$ ташкил этувчилари ўлчанилади, икинчиси б-н магнит майдонининг тик ташкил этувчиси $\text{M}_z$ни ва жинсларнинг магнит таъсирланиши ($\chi$) қайд қилинади. Бурғ қудуқда магнит майдонини ўлчаш учун индуктив ғалтаклар қўлланилади. Ғалтакнинг индуктивлиги тоғ жинсларининг магнит ўтказувчанлигига боғлиқ. Магнит ўтказувчанлик эса магнит таъсирланишга тўғри мутаносибдир (қ. Магнитная восприимчивость). МКдан магнит минералли қатламларни ўрганишда, уларнинг чегараларини ва магнит минералларининг миқдорини аниқлашда фойдаланилади.