Ахборот-коммуникация технологиялари изоҳли луғати
-
ингл: cable рус: кабель Маълумотларни узатиш учун мўлжалланган изоляция қилинган ўтказгич ёки ўтказгичлар гуруҳи. Ишлатилаётган физик муҳитга қараб, кабеллар икки гуруҳга бўлинади. Биринчи гуруҳни ясси кабеллар, ўрама жуфт ва коаксиал кабеллар ташкил қилади. Уларда металл, аксарият ҳолда, мис орқали электр сигналлари узатилади. Коаксиал кабеллар энг қимматбаҳо бўлиб, сигналларни катта тезликда узата олади ва улар шовқиндан яхши муҳофазаланган. Иккинчи гуруҳга ёруғлик узатувчи оптик кабеллар киради. Уларнинг асосини электромагнит шовқинлардан идеал муҳофазаланган ёруғлик узатгичлари ташкил қилади. Оптик кабеллар коаксиал кабеллардан қимматроқ бўлиб, улар юқорироқ тезликда маълумот узатишни таъминлайдилар.
Мақоладаги хато ҳақида хабар бериш
