{"headword": "ИССЛЕДОВАНИЯ ОРГАНИЧЕСКОГО ВЕЩЕСТВА ПОДЗЕМНЫХ ВОД", "key": "issledovaniya organicheskogo veshchestva podzemn x vod", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Терминологический", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://dev.til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "191"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Ер ости сувларидаги органик моддалар тадқиқоти — нефть-газ конларидаги ер ости сувларида органик моддалар концентрациясининг тақсимланиш қонуниятларини ва таркибининг ўзгаришини ўрганиш. Ер ости сувларида органик моддаларнинг кўчиб юриш шароитини ўрганиш орқали нефть ва газ уюмларини ҳосил бўлиш ва жойлашиш шароитлари ҳақида фикр юритиш мумкин бўлади. Йирик ҳудудларнинг нефть-газлилигини башоратлаш мақсадида қуйидаги йўналишларда тадқиқотлар олиб бориш лозим: а) ер ости сувларидаги органик моддаларнинг тақсимланиши регионал қонуниятларини белгилаш; кесим бўйлаб жинслардаги битумоидлар таркибининг ўзгаришини аниқлаш, ер ости сувларининг кимёвий таркиби ва минераллашганлиги, эриган нефть ва эркин газлар таркиби ҳамда турли геологик, гидродинамик, геокимёвий ва термодинамик шароитлардаги ер ости сувлари микробиоценозлари билан уларнинг ўзаро боғлиқлигини аниқлаш; б) ер ости сувларидаги органик моддалар шаклини ўрганиш; в) ер ости сувларига органик моддаларнинг қўшилиш механизмини аниқлаш; г) нефть ва газ ҳосил бўлиши, нефть ва газ уюмларининг шаклланиши ва бузилишининг турли шароитларида ер ости сувларида органик моддаларнинг кўчиш ва чўкиш шароитларини аниқлаш; д) нефть, газ, газконденсат уюмларининг якка структураларда ҳамда регионал миқёсда тарқалиш истиқболини баҳолашда самарали излов кўрсаткичлари мажмуасини аниқлаш. Е.о.с.о.м.т.нинг асосий вазифаларига, шунингдек, қуйидагиларни киритиш мумкин: юқори минераллашган сувлар ва намакоблардаги органик моддаларнинг миқдорий кимёвий таҳлили усулларини такомиллаштириш; айрим гуруҳга кирувчи бирикмалар ва уларнинг хусусий намоёндаларини тенглаштириш; замонавий хроматография ва спектрал таҳлил усулларидан фойдаланиш, модель қурилмаларида бажариладиган илмий тажрибаларни кенгайтириш, жинслардаги органик моддаларнинг сувда эрийдиган қисми тадқиқотини кенгайтириш ва ш.к.", "examples": []}], "translations": [], "cross_references": [], "extra": {"raw_word": "ИССЛЕДОВАНИЯ ОРГАНИЧЕСКОГО ВЕЩЕСТВА ПОДЗЕМНЫХ ВОД", "raw_meaning": "Ер ости сувларидаги органик моддалар тадқиқоти — нефть-газ конларидаги ер ости сувларида органик моддалар концентрациясининг тақсимланиш қонуниятларини ва таркибининг ўзгаришини ўрганиш. Ер ости сувларида органик моддаларнинг кўчиб юриш шароитини ўрганиш орқали нефть ва газ уюмларини ҳосил бўлиш ва жойлашиш шароитлари ҳақида фикр юритиш мумкин бўлади. Йирик ҳудудларнинг нефть-газлилигини башоратлаш мақсадида қуйидаги йўналишларда тадқиқотлар олиб бориш лозим: а) ер ости сувларидаги органик моддаларнинг тақсимланиши регионал қонуниятларини белгилаш; кесим бўйлаб жинслардаги битумоидлар таркибининг ўзгаришини аниқлаш, ер ости сувларининг кимёвий таркиби ва минераллашганлиги, эриган нефть ва эркин газлар таркиби ҳамда турли геологик, гидродинамик, геокимёвий ва термодинамик шароитлардаги ер ости сувлари микробиоценозлари билан уларнинг ўзаро боғлиқлигини аниқлаш; б) ер ости сувларидаги органик моддалар шаклини ўрганиш; в) ер ости сувларига органик моддаларнинг қўшилиш механизмини аниқлаш; г) нефть ва газ ҳосил бўлиши, нефть ва газ уюмларининг шаклланиши ва бузилишининг турли шароитларида ер ости сувларида органик моддаларнинг кўчиш ва чўкиш шароитларини аниқлаш; д) нефть, газ, газконденсат уюмларининг якка структураларда ҳамда регионал миқёсда тарқалиш истиқболини баҳолашда самарали излов кўрсаткичлари мажмуасини аниқлаш. Е.о.с.о.м.т.нинг асосий вазифаларига, шунингдек, қуйидагиларни киритиш мумкин: юқори минераллашган сувлар ва намакоблардаги органик моддаларнинг миқдорий кимёвий таҳлили усулларини такомиллаштириш; айрим гуруҳга кирувчи бирикмалар ва уларнинг хусусий намоёндаларини тенглаштириш; замонавий хроматография ва спектрал таҳлил усулларидан фойдаланиш, модель қурилмаларида бажариладиган илмий тажрибаларни кенгайтириш, жинслардаги органик моддаларнинг сувда эрийдиган қисми тадқиқотини кенгайтириш ва ш.к."}}]}