ИОННО-СОЛЕВОЙ СОСТАВ ПОДЗЕМНЫХ ВОД — Ер ости сувларининг ион-тузли таркиби

ИОННО-СОЛЕВОЙ СОСТАВ ПОДЗЕМНЫХ ВОД — Ер ости сувларининг ион-тузли таркиби

1. ер ости сувлари таркибида эриган турли моддаларнинг ионлари, тузлари, коллоидлари ва газлари. Ер ости сувларида 50 дан ортиқ ион, парчаланган молекула ва коллоид кўринишидаги кимёвий элементлар борлиги аниқланган. Табиатдаги сувларда асосан 8 та элементдан иборат олти хил ион тарқалган: анионлардан хлор Cl⁻, сульфат SO₄²⁻, гидрокарбонат HCO₃⁻, катионлардан натрий Na⁺, кальций Ca²⁺, магний Mg²⁺. Ушбу олти иондан ташқари, карбонат-ион CO₃²⁻, калий ион K⁺, темир ион Fe²⁺ ва Fe³⁺ ҳам мавжуд. Бошқа элементлар жуда кам миқдорда учрайди. Улар сув таркиби микрокомпонентлари деб аталади. Сув ичида бром Br⁻, йод J⁻, аммоний NH₄⁺, литий Li⁺, стронций Sr²⁺ ва бошқа ионлар ҳам учрайди. Сувда эриган ион, туз ва коллоидларнинг миқдорий йиғиндиси сувнинг минераллашиши деб аталиб (минераллашишга эриган газлар ва муаллақ ҳолатдаги моддалар кирмайди). Сувларнинг минераллашиши кенг чегарада ўзгаради. Минераллашиши 1 г/л дан кам бўлган сувлар чучук, 1—50 г/л — шўр, 50 г/л дан катта бўлганлари намакоб деб аталади. Водород H⁺ ионини ва гидроксилларни OH⁻, яъни сув молекулаларининг парчаланган қисмини билиш муҳим аҳамият касб этади. Улар жуда кам миқдорда бўлсада, лекин кимёвий таъсир доираси каттадир. Юқорида қайд этилган ҳамма компонентлар сувда