INTERPRETATSIYA GEOLOGICHESKAYA — Geologik talqin

ИНТЕРПРЕТАЦИЯ ГЕОЛОГИЧЕСКАЯ — Геологик талқин

1. геофизик материаллардан геологик маълумотларни олиш. Г.т. геофизик майдон ва аномалияларнинг юзага келишининг геологик сабабларини аниқлашда кенг қўлланилади. Г.т. геофизик майдонлар аномалиясини геологик омиллар (структура тури, ўлчами, жинслар таркиби, кон жойлашиши)га боғлиқлик қонунларига асосланган. Геологик тузилиш шароитларини ҳисобга олиб, жинснинг физик параметрлари ва ўзгариши моделда акс эттирилади. Моделдан фойдаланиб, ўлчанган ва ҳисобланган параметрлардан олинаётган маълумотлар сифати яхшиланади. Г.т.да сейсморазведка, гравиразведка, каротаж диаграммалари ва бошқа материаллардан фойдаланилади. Каротаж диаграммаларини Г.т. қилиш натижасида бурғу қудуқ кесимларида нефтли, газли қатламларни ажратиш, уларни ғоваклилик, ўтказувчанлик, углеводородга тўйинганлик коэффициентлари ва б.ни аниқлаш мумкин.