Имажинизм

imajinizm. XX asr tushkun burjua adabiyotida, dastlab Angliyada (Ulugʻ Oktyabr sotsialistik revolyutsiyasidan keyingi dastlabki yillarda esa Rossiyada ham) yuzaga kelgan adabiy oqim. Imajinistlar (imajinizm oqimi tarafdorlari) badiiy ijodni ijtimoiy hayot bilan hech qanday aloqasiz boʻlgan narsa sifatida talqin qilganlar va oʻzlari ham shu ruhda asarlar yozganlar. Sovet hokimiyatining dastlabki yillarida Rossiyada paydo boʻlgan imajinizm koʻrinishlari realistik adabiyotning keng va kuchli taraqqiyoti oqibatida oʻz-oʻzidan yoʻqolib ketdi.