ГЕРМЕТИЗИРУЮЩЕЕ УСТРОЙСТВО ГЕРУС

ГЕРМЕТИЗИРУЮЩЕЕ УСТРОЙСТВО ГЕРУС

1. Герус зичлагич мосламаси — қувур ташқи бўшлиғи герметиклигини таъминлаш мақсадида қўлланиладиган мослама. Нефть ва газ қудуқларини бурғилашда мустаҳкамлаш қувурларини тежаш мақсадида потай МҚБ туширилади. Қудуқнинг бундай конструкциясида олдин туширилган қувурлар бирикмаси билан потай қувурлар бирикмасининг юқори қисмида ҳосил бўладиган ҳалқасимон бўшлиқда қатлам газлари ва сувларнинг сизиб кириши ёки ювувчи суюқлик қатламга сингиши мумкин. Бундай бўшлиқ одатда цементланади, лекин кўпгина ҳолларда у талаб этиладиган герметикликка жавоб беролмайди. Бундай ҳодисаларни Г.з.м. ёрдамида бартараф этиш мумкин. Бу мослама ўз-ўзидан зичланадиган резина манжетлар тўпламидан иборат. У қувурлар оралиғидаги бўшлиққа ўрнатилади, натижада юқоридаги қувурлар бирикмасидан потай қувурлар бирикмасига силлиқ ўтишни таъминлайди. Г.з.м. 299х219 мм қувурлар бирикмаси учун ТУ 39—01—806—83 ОСТ бўйича тайёрланади, яъни 299 мм ли оралиқ қувурлар бирикмасини 219 мм ли потай қувурлар бирикмасига ўтишида қувурлар оралиғидаги бўшлиқни герметик ёпишини билдиради.