GAZONEFTEPROYAVLENIYA V SKVAJINE — Quduqda gaz-neftni namoyonlanishi

ГАЗОНЕФТЕПРОЯВЛЕНИЯ В СКВАЖИНЕ — Қудуқда газ-нефтни намоёнланиши

1. қатлам босимининг миқдори қудуқдаги гидростатик босимдан юқори бўлганда газ ва флюидлар (сув, нефть)нинг қудуққа кириб келиши. Қудуқдаги ювувчи суюқликнинг зичлиги меъёрдан камайганда, газсизланганда, БҚБни кўтаришда суюқлик жинсларга ютилганда, қудуқдаги суюқлик сатҳи пасайганда бурғ қудуғида оқим пайдо бўлади. Қатлам суюқлигининг озгина қисми бурғиланаётган тоғ жинси зарралари билан биргаликда қудуқда пайдо бўлади; бундай жараённинг ривожланиши, флюиднинг ҳажми ва оқим тезлиги бурғилашнинг механик тезлигига пропорционал бўлади. Юқори механик тезлик билан бурғилашда газни қудуқда намоёнланиши хавфли ҳисобланади. Чунки, ювувчи суюқлик ҳаракати узоқ вақт тўхтаб қолса газли объектнинг юқори қисмидан қудуққа кўп миқдорда газ кириб келади ва натижада газланган ювувчи суюқлик қатламлари ҳосил бўлади. Қатламдаги суюқлик оқимини қудуққа кириб келишининг бошланишидан қуйидаги белгилар хабар беради: — ювувчи суюқлик зичлигининг камайиши; — қудуқдан чиқаётган суюқлик оқим тезлигининг новда ортиши; — қудуқни ювиш тугагандан сўнг қудуқ оғзидан суюқлик оқими чиқишининг кўпайиши; — превентор ёпилгандан сўнг қудуқ оғзида ортиқча босимнинг ортиши; — қудуқдан чиқаётган суюқлик оқимида газнинг кўпайиши.