галлюцинация
gallyutsinatsiyaгаллюцинация
тиб. Бош мия фаолиятининг бузилиши натижасида кўрув, эшитув, сезув, ҳидлов аъзоларининг чалғиши, ёʻқ нарса ва ҳодисаларни бордек идрок этиш.
Шу чоғ аллаким, ҳамдардлик билдиргандек, астагина кифтидан қучди. Б-и-е, Зафар шу ерда экан-да, демак, кетган бошқа, галлюцинация шекилли, — ўзини-ўзи овутди у ва ортига ўгирилди. — Ёшлик
Фронтда контузия бўлган бир одам ўзининг галлюцинация деган касали ҳақида гапириб берган эди. — А. Мухтор, Туғилиш
ГАЛЛЮЦИНАЦИЯ
- (лат. hallucinatio — алаҳлаш, босинқираш, валдираш) — галлюцинация, реал воқеликдаги нарса ва ҳодисаларнинг анализаторларга бевосита таъсирисиз онгимизда турли образларнинг хаёлий равишда пайдо бўлишидан иборат психопатологик ҳодиса. Г. сезги аъзоларимизнинг номларига қараб кўрув, эшитув, ҳид ва бошқа турларга бўлинади. Г. психик касалликнинг белгиси бўлиб, бош мия қобиғидаги қўзғалиш процессларининг патологик сустлиги натижасида, баъзан нерв системасининг заҳарланиши ёки ҳаддан ташқари толиқиши натижасида рўй беради.