ELEKTROPROVODNOST PLASTOVOY VODЫ — Qatlam suvining elektr oʻtkazuvchanligi
ЭЛЕКТРОПРОВОДНОСТ ПЛАСТОВОЙ ВОДЫ — Қатлам сувининг электр ўтказувчанлигиЭЛЕКТРОПРОВОДНОСТЬ ПЛАСТОВОЙ ВОДЫ — Қатлам сувининг электр ўтказувчанлиги
- минераллашган сувларнинг электр ўтказувчанлик хусусияти. Қатлам сувлардаги эриган тузлар уларнинг электролит хусусиятларини кучайтиради ва электр ўтказувчанлигини оширади. Дистилланган сувлар эса ўзидан электр токини ўтказмайди. Электр ўтказувчанлик сувнинг солиштирма электр қаршилиги билан ифодаланади. Солиштирма қаршилик деганда — узунлиги ва кесими бир бирликка (1 мм, 1 см) тенг бўлган ўтказгичнинг электр токи ўтишига кўрсатган қаршилиги (Ом да) тушинилади. Амалиётда солиштирма қаршилик ўлчов бирлиги сифатида 1 Ом: м/м², яъни 1 Ом·м қўлланилади. Мас., минераллашганлиги 20 г/л, температураси 10°С бўлган ош тузи эритмасининг солиштирма электр қаршилиги 0,4 Ом·м га тенг.