Neft va gaz sanoati izohli lugʻati
-
Дроссель-самара (Дросселлаш) — суюқлик, буғ ёки газнинг дросселдан ўтишида кенгайиши. Газни бутунлай совутишда, газ ва суюқлик сарфини мувофиқлаштириш учун қўлланилади. Дросселлаш термодинамик жараён бўлиб, энтальпиянинг, яъни системанинг термодинамик ҳолатининг (ички энергиясининг) мослиги (i=const) билан тавсифланади. Бунда (i=const) газ ва суюқликларда температуранинг ўзгариши Джоуль-Томсон самараси деб юритилади. Бундай самара Джоуль-Томсон коэффициенти Е_i билан ифодаланади. Джоуль-Томсон коэффициентининг табиий газдаги ўртача қиймати 2 дан 4 К/МПа оралиғида ўзгаради, нефтда шу коэффициентнинг қиймати 0,4—0,6 К/МПа гача ва сувда 0,235 К/МПа. Газни паст температурадаги сепарация технологиясининг кўрсаткичи Джоуль-Томсон самараси деб аталадиган дроссель самара орқали амалга ошади, яъни юқори босимдаги газни паст босимга ўтказишда ҳар 10 атмосферага камайганда газ 2—4°С га совийди.
Maqoladagi xato haqida xabar berish
