Нефт ва газ саноати изоҳли луғати
-
асосан геологик-разведка учун қазилаётган қудуқларда ишлатилади. Хиллари бир шарошкалилардан кўп. Икки синф, тўрт тур ва бир қанча модификацияларга бўлинади. Бир-биридан ювувчи тармоқнинг схемаси ва конструкцияси бўйича ёки шарошкалар таянчининг схемаси ва конструкцияси бўйича фарқланади. Биринчи синф долоталари икки М ва С турда тайёрланади. М — туридаги долота ёппасига бурғилашда, бўш, энг юмшоқ ва ёпишқоқ, цементланмаган жинслар — қумоқ тупроқ, қумлоқ тупроқ, бўш гил ва мергелларни бурғилашда қўлланилади. Шарошкаларнинг фрезерланган (айланма барабанли машина билан ишлов берилган) тишлари йирик, ўткирланган, қаттиқ қотишма билан ҳимояланган. Тишлар орасидаги ўймалар тишлар тожи бўйича кенг ва чуқур. Долотанинг бундай тузилиши жуда юмшоқ ва ёпишқоқ жинсларда катта самара беради. Суюқликни шарошкалар орасига юбориш учун ювувчи каналлар гоҳо минерал-керамик сопло (конус найча) билан жиҳозланади. С — турига 2В93С ва 2В112С долоталари мансуб ва ўртача қаттиқликдаги жинслар — оҳактош, аргиллит, алевролит, зичлашган гил, мергелларга мўлжалланган. Икки шарошкали долоталардан фақат К тури тайёрланади. Қаттиқ ва абразив жинслар — қаттиқ қумтош, жеспиллит, гранит, габбро ва габбро-диоритлар ва шунга ўхшаш жинсларни бурғилашда ишлатилади. Долоталар диаметри 59, 76, 93 ва 112 мм.
Мақоладаги хато ҳақида хабар бериш
