Нефт ва газ саноати изоҳли луғати
-
Эмульсиянинг дисперслиги — дисперс фазанинг дисперсион муҳитда парчаланганлик даражаси. Эмульсиялар ва дисперс системаларда (коллоид эритмалар) уларнинг хусусиятларини ифодаловчи асосий кўрсаткич ҳисобланади. Э.д. эмульсиядаги заррачаларнинг диаметри катталиги билан ўлчанади, ёки дисперсли деб аталадиган ва миқдори унинг диаметрига тескари D=1/d дисперс фазанинг бирлик ҳажмда фазалараро сиртини ифодалайди. Эмульсиядаги дисперсланган заррачалар (глобулалар)нинг диаметри 0,1—10 мкм ($10^{-5}$—$10^{-3}$см)га тенг. Кўпгина дисперс коллоид системаларда ўлчами 1—100 мкм ($10^{-7}$—$10^{-5}$см)ли заррачалар учрайди ва модданинг кейинчалик майдаланишида, модда агрегатининг молекуласини $10^{-8}$ см диаметрли алоҳида молекулаларга ўтишидан ҳақиқий эритмалар ҳосил бўлади. Сунъий тайёрланган дисперс системалар фақат бир хил диаметрли заррачалардан иборат. Бундай системалар монодисперс системалар деб юритилади. Ҳар хил ўлчамли зарралардан иборат бўлган эмульсиялар, суспензиялар, кўпик ва коллоид эритмалар полидисперс системалар ҳисобланади. Маълум технологик режимда, томчининг оқимда сақланиши мумкин бўлган критик ўлчами кўп омиллар билан аниқланади ва қуйидаги тенглама билан ифодаланади: $d_{кр} = 4,82 \sqrt[6]{\frac{L^2 \sigma^3}{u^6 k \rho}}$ бунда: $d_{кр}$ — томчининг критик диаметри; $\sigma$ — сирт таранглиги; k — сув ва нефть қовушқоқлигини ҳисобга оладиган коэффициент;
Мақоладаги хато ҳақида хабар бериш
