Neft va gaz sanoati izohli lugʻati
-
нефтнинг газсизланиш жараёни. Уч хил: контактли, дифференциаль ва вакуумли бўлади. Контактли (бир поғонали) газсизлантиришда нефтдан ажралиб чиққан ҳамма газ (циркуляцион системага) жойлашади ва у (нефть) билан туташиб туради. Дифференциаль газсизлантириш жараёнида бурғилаш эритмасидан ажралаётган газ циркуляцион системадан узоқлаштирилади. Дифференциаль газсизлантириш жараёнида контактли хилига нисбатан нефтда газ кўп қолади. Чунки нефтдан дастлаб метан ажралади, қолган газлар таркибида эса оғир углеводородлар миқдори ортади, бу ўз навбатида уларнинг эрувчанлигини кучайтиради. Нефтни қатламдан чиқариб, уни кон сепараторларига юборишда содир бўладиган газсизлантириш контактлига кўпроқ ўхшайди. Шу сабабли, нефтни қатлам шароитидан ер юзаси шароитига ўтишида хоссаларининг ўзгаришига аҳамият бериш лозим. Вакуумли газсизлантириш жараёнида нефтдан ҳамма газ вакуум ёрдамида сўриб олинади.
Maqoladagi xato haqida xabar berish
