DEGAZATSIYA BUROVOGO RASTVORA — Burgʻilash eritmasini gazsizlantirish

ДЕГАЗАЦИЯ БУРОВОГО РАСТВОРА — Бурғилаш эритмасини газсизлантириш

1. газли қатламларни бурғилашда эритмага майда пуфакчалар кўринишида қўшилаётган газларни ажратиш. Бурғилаш эритмасининг қовушқоқлиги кичик ва сульфонатрий тузлари (СНТ) миқдори кам бўлса, тозалаш системасида ундан газ пуфакчалари енгил ажралади. Лекин бунда эритма юзасида кўпик ҳосил бўлиб, у бурғилаш насосига кириб уни ишдан чиқаради. Қовушқоқлиги юқори эритмалар газланганда унинг бу хусусияти янада ошади ва унинг юзасидан газ ажралиб чиқмайди, натижада унинг зичлиги камаяди ва қатламга берадиган босими пасаяди, натижада газ намоёнланиб юқорига кўтарилиши ва фаввора бўлиши мумкин. Айрим реагентлардан (КССБ, ССБ ва б.) фойдаланилганда эритмада барқарор кўпик ҳосил бўлади, бу реагентлар эритмага қўшилаётган ҳавонинг парчаланиши ва ҳаво пуфакчаларининг турғунлигини таъминлайди. Эритманинг газланиши ва кўпик ҳосил бўлиши бурғилашда мураккабликлар келтириб чиқаради. Бундай ҳолларда эритма газсизлантирилади. Газсизлантириш икки усулда: мажбурий (механик) газсизлантириш ва у билан бирга кимёвий (кўпикни йўқотувчи қўшимча қўллаб) газсизлантириш амалга оширилади. Механик газсизлантириш самарали бўлиб, ДВС—1 ва ДВС—2 газсизлантиргичлардан фойдаланилади. Барқарор кўпикли, юқори қовушқоқлик ва СНТга эга бўлган эритмалар юқори ваккуумда (600мм симоб устунида) сақланади. Бундай эритмалар суюқлик киритиладиган бошқариш системаси ёрдамида газсизлантирилади. Нисбатан қовушқоқ бўлмаган, кўпиги беқарор бўлган эритмалар ваккуумда 300—400 мм симоб устунида сақлаб газсизлантирилади. Газсизлантиргичнинг максимал унумдорлиги 60 л/с га яқин.