Adabiyotshunoslik terminlarining izohli lugʻati
-
— дактиль қофия. Рус классик шеър тузилишидаги қофия турларидан бири. Дактиль қофия талабига кўра, қофияланувчи сўзларнинг урғуси сўз охиридан санаганда учинчи ҳижога тушиши шарт. Масалан, новая — торговая сўзларидаги урғу сўз охиридан санаганда учинчи ҳижога тушади. Бу нарса эса ўз-ўзидан дактиль стопасини эслатиб туради. Дактиль қофия асосан эркин урғули тиллардаги халқлар поэзияси учун хос бўлган ҳолатдир. Дактиль қофия XVIII—XIX асрнинг бошларидаги рус шеъриятида кам учраса ҳам, бироқ XIX асрнинг ўрталарига келиб, бундай қофия тури рус шеъриятида, хусусан, Некрасов поэзиясида кенг қўлланилди.
Maqoladagi xato haqida xabar berish
