Neft va gaz sanoati izohli lugʻati
-
долото тишларининг қудуқ туби билан ўзаро таъсир тезлиги орқали ифодаланади. Шарошкани туб бўйлаб гилдирашида Д.а.ч. унинг тишларини тоғ жинси билан туташишини ва майдаланган жинс зарраларига кинематик таъсирини белгилайди. Пиравард натижада шу икки омил қудуқ туби чуқурлашуви шиддатини аниқлайди. Д.а.ч. шарошка жиҳозларининг ва долота таянч элементларининг сийқаланиш жадаллигини белгилайди. Турбинали бурғилашда Д.а.ч. минутига 600—700 дан ортади, долотанинг чидамлилиги эса роторли бурғилашда, минутига 50—100 маротаба айланаётган долотаникидан анча паст бўлади. Шу сабабли Д.а.ч.ни белгилашда бурғилаш жараёнининг самарадорлигига ва жинсларни майдаловчи ускунанинг чидамлилигига эътибор бериш лозим. Нефть ва газ уюмлари кичик ва ўртача чуқурликда бўлса, бурғилашнинг турбинали усулидан фойдаланилади. Жуда қаттиқ, кам емирилувчан карбонат жинсларда Д.а.ч.ни минутига 600 дан 60 гача камайтириш бир рейс (бир дона бурғилаш қувури ёки свеча узунлиги)да қазиш тезлигини 1,5—2 маротабага ошириш, механик тезликни эса 3—4 маротабага камайтириш имконини беради.
Maqoladagi xato haqida xabar berish
