БУРЕНИЕ С ОТБОРОМ КЕРНА

БУРЕНИЕ С ОТБОРОМ КЕРНА

1. Керн олиб бурғилаш — керн олинадиган бурғилашда колонкали долото ишлатилади. Долото жинсни емирадиган асбоб (бурғи бошчаси) ва керн қабул қилгич мосламасидан иборат. Бурғи бошчаси тоғ жинсини қудуқ губи чеккасидан емириб қудуқ ўртасида жинс устуни (керн)ни қолдиради. Керн қудуқнинг чуқурлашишида керн қабул қилгич ичкарисига жойлашиб боради. Керн қабул қилгич қурилмаси қобиқ ва керн қабул қилгичдан иборат. Қобиқ бурғи бошчасини бурғилаш бирикмаси билан бирлаштириш ва керн қабул қилгични турли механик зарарланишдан сақлайди. Керн қабул қилгич кернни қабул қилади, бурғилаш вақтида ва юқорига чиқариб олишда уни сақлайди. Керн қабул қилгичнинг пастки қисмида керн узгич ва ушлаб турадиган мосламалар жойлашган, юқорисига керн қабул қилишида сиқиб чиқарилган ювувчи суюқликни ўтказиб юборадиган клапан ўрнатилган. ГОСТ 21949—76 «Устройства керноприемные» бўйича ажратиб олинадиган ва олинмайдиган керн қабул қилгич долоталар ишлаб чиқарилади. Керн қабул қилгични ажратиб олинмайдиган долото б-н бурғилашда керн қабул қилгични юқорига чиқариш учун БҚБни юқорига кўтариш керак, ечилиб олинадиганида ушлагич билан фақат керн қабул қилгич юқорига чиқариб олинади. Керн қабул қилувчи мосламанинг узунлиги 16 м, керн қабул қилгичники 14,5 м. «Недра» керн қабул қилувчи мослама учун шарошкали, олмосли ва қаттиқ қотишмали бурғи бошчалари ишлаб чиқарилади. Булар турли қаттиқликдаги тоғ жинсларига мўлжалланган. «Недра» керн қабул қилгич қурилмасидан ташқари, диаметри 212,7 мм ли ажратиб олинмайдиган долотали «Силур» керн қабул қилгич ҳам мавжуд. Конструкцияси «Недра»никига ўхшаш. Булардан бошқа 100 мм диаметрли керн оладиган «Кембрий» мосламаси ҳам бор. Ажратиб олинадиган керн қабулқилгичлар турли моделларда чиқарилади. Турбинали бурғилашда бундай мосламалар колонкали турбобур номи билан маълум. КТДЗ ва КТД4С колонкали бурғилаш турбиналари ишлаб чиқарилган. ТКЗ ва СТ туридаги бурғи бошчалари ишлатила-