Neft va gaz sanoati izohli lugʻati
ruscha
-
машҳур швейцариялик олим Д.Бернулли (D.Bernoulli, 1700—1782) номи билан аталган, гидродинамиканинг асосий тенгламаларидан бири. Б.т. энергиянинг сақланиш қонунини ифодалайди. 1) Идеал суюқликнинг кичик элементар оқими (кўндаланг кесим юзаси жуда кичик бўлган) учун Бернулли тенгламаси: $P + \frac{\rho v^2}{2} + \rho gz = const$, бунда $P$, $\rho$, $v$ — суюқликнинг барқарорлашган оқимини ихтиёрий кесимидаги статистик босими, зичлиги ва тезлиги; $g$ — эркин тушиш тезланиши; $z$ — оқимни кўрилаётган кўндаланг кесим юзасини шартли ноль сатҳдан баландлиги; $\frac{\rho v^2}{2}$ тезлик тазйиқи ёки тезлик босими. 2) Ҳақиқий суюқликларнинг барқарорлашган оқимида ўтказилган икки (1 ва 2) кўндаланг кесими учун Бернулли тенгламаси: $P_1 + \alpha_1 \cdot \frac{\rho v_{cp1}^2}{2} + \rho gz_1 = P_2 + \alpha_2 \cdot \frac{\rho v_{cp2}^2}{2} + \rho gz_2 + \Delta P_{1,2}$, бунда $v_{cp}$ — секунддаги ҳажмий сарфни кўндаланг кесими юзаси нисбатига тенг бўлган, берилган кесимдаги ўртача тезлик; $\alpha$ — кесимдаги тезликнинг нотекис тақсимланишини ҳисобга олиш коэффициенти; $\Delta P_{1,2}$ — 1- ва 2-кесимлар оралиғида ишқаланиш кучлари ҳисобига босимнинг йўқолиши. 3) Идеал газни политропик жараёнлар таъсирида 1- ва 2-кесимлар орасида ҳолати ўзгаргандаги барқарорлашган оқим учун Бернулли тенгламаси: $gz_1 + \frac{v_1^2}{2} + \frac{n}{n-1} \cdot \frac{P_1}{\rho_1} + gz_2 + \frac{v_2^2}{2} + \frac{n}{n-1} \cdot \frac{P_2}{\rho_2}$, бунда $n$ — политропик кўрсаткич.
Maqoladagi xato haqida xabar berish
