AVARII S OBSADNЫMI TRUBAMI — Mustahkamlash quvurlari bilan boʻladigan falokatlar

АВАРИИ С ОБСАДНЫМИ ТРУБАМИ — Мустаҳкамлаш қувурлари билан бўладиган фалокатлар

1. қудуққа туширилаётган ёки туширилган мустаҳкамлаш қувурларнинг узилиб, мажақланиб ёки ёрилиб кетиши. Фалокатлар мустаҳкамлаш қувурлари кертикларининг сиртилиб кетишидан юз беради. Қудуққа туширилган мустаҳкамлаш қувурлари бурғилаш жараёнида ишқаланиш туфайли тешилиши ёки ёрилиши мумкин. Бундан ташқари, фалокатлар мустаҳкамлаш қувурларининг қудуқдаги шароитга мосланмаганлиги, қувурлар ичидаги ва ташқарисида босимнинг меъёридан ошиб кетиши ёки коррозия натижасида содир бўлиши мумкин. Қувурни заводда тайёрлашда йўл қўйилган нуқсонлар йўқлигини аниқлаш учун уни қудуққа туширишдан олдин синовдан ўтказиш шарт. Мустаҳкамлаш қувурларида юз берадиган фалокатлар унинг ҳолатига қараб бартараф этилади. Қудуқда узилиб қолиб кетган қувур метчик, калибр, қувур тутгич, колокол ёки махсус тайёрланган ускуна билан тортиб олинади. Фалокатлар яна МҚБни юқори қисмини кўтариб юқорида қайд этилган усул билан, шунингдек МҚБнинг ишқаланишидан тешилган жойлари эса бурғилаш жараёнида тузатилади.