Neft va gaz sanoati izohli lugʻati
-
бурғилаш технологиясининг бузилишидан, яъни ювиш режимига риоя қилинмаганда содир бўладиган фалокатлар. Қудуқ тубида кенгайтиргичлар керн билан бирга қолиб кетган бўлса, улар МК туридаги метчик-коронка ёрдамида чиқарилади. Қудуқда қолиб кетган кенгайтиргич ичидаги керн колонкали қувурга бириктирилган метчик-коронкали бурғилаш қувурлари билан бурғиланади. Керн бурғилаб бўлингандан сўнг метчик-коронка уни ушлаб олади. Ишлаш вақтида қуйидаги тартибга риоя қилинади: бурғилаш снарядини бурғилаш дастгоҳининг дастлабки тезлигида айлантирилиши, метчикка бериладиган оғирлик 25—30 МПа, ювувчи суюқликнинг миқдори 20—30 л/мин бўлиши керак. Қудуқда қолган, чиқариб олиш мумкин бўлмаган металл предметлар ФК туридаги фрезерли коронка билан бурғиланади. Фрезерли коронка қалинлаштирилган коронкали ҳалқа бўлиб, унга қаттиқ қотишмали кескичлар ковшарлаб ёпиштирилган. Қудуққа туширилишдан олдин фрезерли коронканинг кескичлари ҳолати ва уларни коронка ҳалқасидан етарлича чиқиб турганини (1—1,5 мм) текшириш лозим. Фалокатни тугатишда: фрезерли коронка, колонкали қисқа қувур (500—1000 мм), ўтказувчи ва шлам қувуридан фойдаланилади. Бундай ускуналар йиғмаси қудуққа бурғилаш бирикмасида туширилади. Қудуқ тубига 15—20 см масофа қолганда йиғма аста айлантирилади ва унга ювувчи суюқлик юборилади. Қудуқда қолиб кетган предметлар айланишнинг энг паст частотаси бўйича бурғиланади; ўқ бўйича бериладиган оғирлик 30—50 кгс, ювувчи суюқликнинг миқдори оддий коронка билан бурғилашда юбориладиган ювувчи суюқлик миқдорига тенг бўлади. Қудуқ тубида қолган предмет майдаланиб бўлингандан кейин қудуқни ювиш зарур.
Maqoladagi xato haqida xabar berish
