ANTIKORROZIONNOE POKRЫTIE — Korroziyaga qarshi qoplama

АНТИКОРРОЗИОННОЕ ПОКРЫТИЕ — Коррозияга қарши қоплама

1. — металларни занглашдан сақлаш учун фойдаланиладиган қоплама. Ишлатиш шароитида антикоррозион қопламаларни ҳимоя қилиш қобилиятига кўра меъёрли, кучайтирилган ва ўта кучайтирилган турлари ажратилади. Фойдаланилаётган материалга қараб А.қ. мастика (мумсимон модда)ли ва полимерли (кимёвий таркиби бир хил) турларга бўлинади. А.қ. қуйидаги талабларга жавоб бериши керак: юқори диэлектрик (электр ўтказмайдиган) хусусиятга эга бўлиши; металлга яхши ёпишиши; паст нам ўтказувчан ва кам нам ютадиган бўлиши; хлорид, сульфат ва бошқа ионларнинг киришига қаршилик кўрсатиши; юқори механик мустаҳкамликка эга бўлиши; вақт давомида биологик ва кимёвий ўзгармаслиги; ўз хоссаларини қишнинг совуқ ва ёзнинг иссиқ ҳароратларида сақлаши; қоплама таркибига кирувчи материалларнинг камёб бўлмаслиги; қопламанинг қиммат бўлмаслиги ва узоқ муддатга чидамлилиги.