Нефт ва газ саноати изоҳли луғати
-
Анилин нуқтаси — углеводородлар ва уларнинг аралашмаларини анилинда критик эриш температураси. Ундан юқори температурада кўрсатилган моддалар гомоген эритмани ташкил қилади. Ҳар хил синфга кирувчи углеводородлар А.н. бўйича бир-биридан кўп фарқ қилади. Ароматик углеводородлар энг паст А.н.га, парафинли углеводородлар эса жуда юқори А.н.га эга. Нафтен ва олефин углеводородлар А.н. орасида жойлашади. А.н. асосан нефть, газ конденсати ва улардан олинадиган маҳсулотларнинг гуруҳий тузилиш таркибини ва ёқилғилардаги ароматик углеводородларнинг миқдорини аниқлашда ишлатилади. Мас., реактив ёқилғиларда А.н. ТС-1 учун $60^\circ\text{C}$, Т-1 учун $57^\circ\text{C}$, Т-2 учун $59^\circ\text{C}$.
Мақоладаги хато ҳақида хабар бериш
