Adabiyotshunoslik terminlarining izohli lugʻati
-
урғули шеър, акцентли шеър. Тоник шеър (қ.) нинг бошқача номи. Ўрғули шеърда мисралардаги урғулар миқдори тенг бўлиб, урғусиз ҳижоларнинг миқдори турлича бўлади. Мисралардаги урғулар миқдори айрим ҳолларда турлича бўлиши ҳам мумкин, бироқ урғулар миқдоридаги бу тафовут маълум ритмик доира чегарасида бўлиши шарт. Урғули шеър мисраларидаги ҳижолар миқдорининг эмас, балки урғули ҳижоларнинг тенг бўлиши ритмик бўлакларнинг бир-биридан яққол ажралиб туришига, уларнинг интонация (қ.) жиҳатидан мустақил бўлишига сабаб бўлади. Урғули шеър ритмикасининг юзага келишида паузанинг ҳам аҳамияти катта.
Maqoladagi xato haqida xabar berish
