Akmeizm

1. (гр. akme чўққи сўзидан) — акмеизм. Улуғ Октябрь социалистик революцияси арафасида рус поэзиясида юзага келган оқим. Бу оқим символизм (қ.) га ўхшаб, буржуа дворян маданиятининг инқирози натижасида юзага келди. Бироқ бу символизмдан фарқли ҳолда мистицизм (қ.) дан чекиниб, конкрет инсоний туйғу, табиий дунёни тасвирлашга интилди. Шунга қарамай, акмеизм тарафдорларининг ўта маҳдудлиги, дунёқарашининг торлиги уларнинг асарларини реал ҳаётдан узоқлаштириб қўйди. Акмеистлар ўз адабий программаларида символизмга қарши чиқдилар, аммо ўзлари ҳам «санъат санъат учун» назариясини ёқлаб, символист бўлиб қолдилар. Акмеистларнинг ижоди ижтимоий ҳаётдан узоқ бўлиб, халқ учун зарарлидир. Улуғ Октябрь социалистик революцияси бошқа зарарли оқимлар қатори акмеизмга ҳам кучли зарба берди. Акмеизм тарафдори ёки намояндаси акмеист термини билан ифодаланади.

Manba: Хотамов, Н.; Саримсоқов, Б. (1979). Адабиётшунослик терминларининг русча-ўзбекча изоҳли луғати. Tashkent: Ўқитувчи., 17-bet.