Нефт ва газ саноати изоҳли луғати
-
Аэродинамика — аэромеханиканинг бир бўлими. Газсимон моддаларнинг ҳаракатланиш қонуниятларини ва бунда ўзаро куч билан таъсир этувчи қаттиқ жисмлар ҳаракатини ўрганади. Авиация, метеорология ва газлар ҳаракатининг назарий асосини ташкил қилади. Ҳавони кўтариш ва қаршилик кучини, босимнинг тарқалишини ва ҳаво оқимида жойлашган қаттиқ модда юзасига таъсир этадиган оқим йўналишини аниқлаш А.нинг ечадиган асосий вазифасидир. А. қувурдаги газнинг ҳаракатлари, уни узоқ масофага узатиш, компресорнинг агрегатларини жойлаштириш, уларнинг қувватини ва бошқа техник кўрсаткичларини аниқлайди. Газни криоген технология асосида ажратиш, нефть қатламига газни юқори босимда юбориб «Сайклинг» усули билан уни чиқариб олиш А.нинг алоҳида соҳаси ҳисобланади.
Мақоладаги хато ҳақида хабар бериш
