Нефт ва газ саноати изоҳли луғати
-
Қатламдаги адсорбция (ютилиш) — жинс-нефть, сув-нефть чегарасидаги қатларни ўз-ўзидан нефтнинг фаол-сирт моддалари (нафтен кислотаси, асфальтен ва б.) билан бойиши ва кимёвий таркибининг ўзгариши. Бу жараён фазаларнинг ажралиш чегарасида содир бўлади. Газ фазалари ёки эритмаларидаги адсорбция техника ва таҳлил амалиётида кенг маънода ишлатилади. Адсорбция органик, шунингдек, анорганик табиатда кенг содир бўлади. Мас., тирик ҳужайраларда бўладиган жараёнлар мажмуаси ва гипергенез зонасидаги ютилиш ҳамда алмашиниш ҳодисаларида кузатилади. Қ.а. миграция жараёнида жинсларда бир хил элементларнинг тўпланиши ва бошқаларининг чиқиб кетишида муҳим роль ўйнайди. Жумладан, калийнинг тупроқ ва чўкиндиларда нисбий концентрацияланиши ва натрийнинг океан сувларига чиқиб кетиши кўп жиҳатдан адсорбция ҳодисаси билан боғлиқ бўлиши аниқланган.
Мақоладаги хато ҳақида хабар бериш
