Neft va gaz sanoati izohli lugʻati
-
2) субфлювиал бўшалиш зоналари (дарё водийсида, алювиал ётқизиқлар остида ёки дарё ўзанида бўшалиш); 3) тармоқланган (босим градиенти катта бўлганда нисбий сув ўтказмайдиган қатламлар орқали) бўшалиш зоналари. Айрим артезиан горизонтлардан, суббосимли мажмуалардан ва ҳатто, бутун артезиан ҳавзалардан бўладиган ёпиқ бўшалишларни аниқлаб бўлмайди. Бундай ҳолларда бўшалиш ер остида содир бўлади. Сув коллекторлардан уни остидаги ва устидаги жинсларга ҳамда стратиграфик номувофиқлик юзаси; дарзликлар, ёриқлар, сув ўтказмайдиган қатлам юзаси бўйлаб оқиб ўтади. Шунингдек, коллекторлардан ер остидаги сувайирғичлар орқали ҳам сув қўшни суббосимли системаларга оқиб ўтади. Йирик ва ўртача катталикдаги артезиан ҳавзалардан, катта чуқурликда ётувчи суббосимли мажмуалардан ер остида бўшалиш кенг тарқалган. Бир суббосимли мажмуа ва системанинг ер остидаги бўшалиш зонаси бошқаси учун таъминланиш зонаси (области) бўлиб хизмат қилиши мумкин, яъни сув биридан иккинчисига оқиб ўтади. А.И.Силин-Бекчурин фикрича, ривожланишнинг седиментация босқичини бошидан кечираётган денгиз ва йирик кўл майдонлари (Каспий ва Орол денгизи хилидаги) йирик артезиан ҳавзаларнинг асосий бўшалиш зоналари ҳисобланади. Бундай суббосимли системалар яхши ўрганилмаган.
Maqoladagi xato haqida xabar berish
